افضل 10 العاب للأندرويد 2020
تعتبر اللالعاب من اكتر الاشياء التى يشغل بها الاطفال وحتى البالغين اوقات فراغهم فنستخدمها احيانا للتخلص من الضغط وقضاء اوقات سعيدة او لاسعاد الاطفال بها.
وسوف نقدم لكم افضل 10 العاب للأندرويد 2020.
1- لعبة Life After
فكرة اللعبة ان العالم انتشر فيه فيروس او وباء وحول ناس بعد ما يموتوا الى زومبى وبتحاول انت ومراتك وبنتك والكلب بتاعك بتحاولو تنجوا من الخراب وكمان اللعبة فى مهمات واسلحة كتيرة جدا و المميز فى اللعبة دى ان الجرافيك عالى جدا ممكن يحاكى جرافيك بلايستيشن 3 اللعبة فعلا من الالعاب تدخل قائمة افضل 10 العاب للأندرويد 2020.
تقدر تحمل اللعبة من هنا
2- لعبة Cyper Hunter
فكرة اللعبة هنا زى لعبة PUPG و Fortnite بس بجرافيك احسن شوية وفكرة افضل بحيث انك تقدر تختار شخصية من الشخصيات الكتيرة الموجودة وكل شخصية من دول ليها قوتها الخارقة بمساعدة الروبوت المساعد ليك وكمان الخريطة الخاصة باللعبة كبيرة جدا وكمان ممكن تقدر تطير من اول الخريطة وتوصل لأخرها او تركب مركب وتنزل الماية براحتك ده غير طبعا الجرافيك الخرافى وتحكمات اللاعب ممكن تتسلق جدار او تعمل حركات بهلونية (تتشقلب) فعلا لعبة ممتعة جدا.
تقدر تحمل اللعبة من هنا
3- لعبة GangStar New Orleans
اللعبة هنا تشبه لحد ما اللعبة الشهيرة GTA وبتدور اللعبة حوالين الجريمة والعصابات فى ولاية New Orleas الامريكية اللعبة من اكبر العاب العالم المفتوح بحيث ان المدينة كبيرة جدا اللعبة فيها اكتر من 200 مهمة متوزعين فى اماكن مختلفة فى المدينة تقدر تسرق العربيات والطيارات وتقدر تشترى جراج للعربيات بتاعتك واسلحة وتكون عصابتك وتكون رئيسها اللعبة فعلا تستحق تكون من افضل 10 العاب للأندرويد 2020.
تقدر تحمل اللعبة من هنا
4- لعبة Moon Surfing
هى لعبة من الالعاب المريحة جدا للاعصاب بحيث ان اللاعب عبارة عن لوح تزلج طائر على القمر من خلالها تقدر تستكشف القمر كله ومن المفروض ان مطورين اللعبة عاملين القمر كله حتى الجزء المظلم منه اللعبة فى مراحل كتيرة وتزداد صعوبتها كلما تقدمت فى المراحل وجرافيك اللعبة حلو جدا كمان مع الموسيقى التصويرية اللى بتهدى الاعصاب اللعبة ممتعة وهتستمع بجو حلو جدا ...
تقدر تحمل اللعبة من هنا
5- لعبة Shadow Fight3
طبعا اللعبة كتير مننا سمع عنها من زمان وكتير لعبها من ايام لعبة shadow fight 1 من تقريبا 2012 مرورا ب Shadow Fight 2 اللعبة من العاب القتال الحماسية جدا الجزء التالت جاى بجرافيك 3D ومؤثرات بصرية وموسيقى تصويرية وايفكتات سمعية حلوة جدا جدا واللعبة وراها قصة غامضة مش مجرد انك بتلاعب ناس عشوائى وخلاص اللعبة فعلا تستاهل انك تنزلها وتبدأ فى المغامرة خصوصا بعد التغيير الكبير فى جرافيك اللعبة.
تقدر تحمل اللعبة من هنا
6- لعبة ARK Survival Evolved
هى من اثقل الالعاب الموجودة فى قائمة افضل 10 العاب للأندرويد 2020 لأن مطورين اللعبة تقريبا اخدو اللعبة من PS3 وعملوا كود اندوريد علشان تشتغل على الموبايل..قصة اللعبة انك بتبقى لوحدك على الجزيرة بعد ما البشرية انتهت من الارض بتحاول تنجو بنفسك من الحيوانات المفترسة وتبنى بيت او حصن علشان تحمى نفسك وتدور على طعام سواء كان من الحيوانات اللى هتصطادها او فاكهة من شجرة مثلا او تكسر الاشجار علشان تبنى بيها بيتك وتولع النار وتقدر تنزل كمان تحت المايه وتصطاد سمك وبردو فيه سمك مفترس لازم تخلى بالك منه..وطبعا الجرافيكس خرافى جدا ..فاستمتع باللعبة والقصة الغامضة اللى وراها.
تقدر تحمل اللعبة من هنا
7- لعبة Radiation City
مدينة الاشعاع اللعبة احداثها بتقع بعد 40 سنة من انفجار مفاعل تشرنوبيل النووى فى اوكرانيا الشخصية هنا بتحاول تنجو وتنقذ اى حاجة ممكن فكرة اللعبة تكون اتعملت قبل كدا بس المميز فى اللعبة الجرافيك الخرافى والمهمات اللى بتلعبها غير الاجواء اللى بتعيشها لما الجو يمطر وصوت المطر او لو فيه ضباب وعندك مبانى كتيرة تستكشفها والمفروض انك بتحاول تحل اللغز او القصة الغامضة ورا اختفاء الناس هتحاول تصطاد حيوانات علشان الاكل او تحمى نفسك من الاشعاع ..اللعبة مسلية جدا.
تقدر تحمل اللعبة من هنا
8- لعبة Talos Principle
هى لعبة Puzzle بس من نوع مختلف وممتع جدا المفروض انك فى المستقبل و انك فى عالم انتتصر فيه الذكاء الصناعى على البشر اللعبة بتجمع بين المبانى القديمة سواء كانت الاغريقية او الفرعونية وبين الذكاء الصناعى والتكنولوجيا المتطورة جدا...اللعبة عبارة عن انك بتحل الغاز صعبة جدا وكل لما تحل لغز تروح ل اللغز اللى بعده وطبعا بيكون اصعب...اللعبة الجرافيك والموثرات البصرية فيها خرافية ده غير الاجواء اللى بتعيشها زى المطر والرعد والبرق ده غير ان الالغاز فيها صعبة جدا وبتعملك تحدى اللعبة فعلا ممتعة جدا وتستحق انها تبقى فى قائمة افضل 10 العاب للأندرويد 2020.
تقدر تحمل اللعبة من هنا
9- لعبة Rally Fury
طبعا مينفعش تبقا القائمة من غير لعبة لكل عشاق السيارات والسباقات اللعبة بتحاول تحاكى واقع السباقات وتحس فيها بواقعية فعلا اللعبة بتشبه لحد ما لعبة Forza Horizon الشهيرة ...اللعبة مميزة جدا ومليئة بالسباقات والمراحل المختلفة ده غير انك تقدر تعمل عربيتك الخاصة وتجمع فيها او تشترى عربيات بفلوس...اللعبة ممتعة وهتعيش معاها جو السباقات اللى بتحبه تستحق التجربة.
تقدر تحمل اللعبة من هنا
10- لعبة Battle Brime
لعبة اطلاق نار من منظور الشخص التالت بجرافيك 3D خرافى طبعا ...وبتلعب بجندى بينفريق مكون من 6 جنود وبتدخل معارك امام 6 لاعبين اخرين وكل اصابة بتحرزها فى الفريق المضاد او بتقتل حد فيهم بتاخد نقط ومدة المعركة دى مش بتعدى ال 5 دقائق والفريق اللى بيحصل على 100 نقطة الاول هو اللى بيكسب والمميز فى اللعبة دى ان كل جندى ليه مهارات مختلفة تقدر تتمرن عليها وتستغلها علشان تكسب واسلوب التحكم مش مختلف عن اى لعبة تانية زى مثلا Pupg او COD ممكن تجرب اللعبة دى ومش هتندم علشان فعلا تستحق تبقا فى افضل 10 العاب للأندرويد 2020.
تقدر تحمل اللعبة من هنا
تعليقات
إرسال تعليق